QOVUN (XARBUZA) Ibn Sirin (r.a.)ning aytishicha, tushdagi qovun bemorlikni bildiradi. Shirin qovun manfaat va xotirjamlikni bildiradi, bordi-yu o‘z vaqtida ko‘rilgan bo‘lsa.
Kichik qovun katta qovunga nisbatan yaxshiroqdir.
Kirmoniy (r.a.) aytadiki, tushdagi yashil qovun g‘amu anduhning yo‘q bo‘lishiga dalildir. Agar tushida oldiga ko‘p qovunlar qo‘yilganini ko‘rsa, qayg‘u g‘amga giriftor bo‘lishiga dalildir.
Agar tushida qovunni o‘z vaqtida ko‘rsa, ko‘p manfaatli, xush ayshli ayolga dalolat qiladi.
Ja’far Sodiq (r.a.) aytadiki, tushdagi qovun besh narsaga dalildir: bemorlikka; xotinga; qulga; foydaga; xush ayshgaki, xususan qovun shirin bo‘lsa.