QIZ BOLA (DUXTAR) — Ibn Sirin (r.a.)ning aytishicha, tushdagi qiz bola farah va shodlikdir. Tushida qiz tug‘ilganini yoki kimdir unga qiz bolani berganini yoki baxshida qilganini ko‘rsa, qiz bolaning chiroyi va zeboligiga qarab, mol, shodlik, va ne’mat hosil bo‘ladi. Tushida qizning o‘lib qolganini ko‘rsa, ta’biri aksincha bo‘ladi.
Kirmoniy (r.a.) aytadiki, tushdagi qiz iflos va nuqsonli bo‘lsa, g‘amu anduhni bildiradi. Tushida qiz bolani ko‘tarib, olib ketayotganini ko‘rsa, xayru manfaatga dalildir. Tushida o‘z qizini birovga berib yuborganini ko‘rsa, undan o‘sha kishiga shodlik yetishiga dalildir.