HAROM BO‘LMOQ (JUNUB BUDAN) Agar tushida junub (yuvuqsiz) bo‘lganini ko‘rsa, harom ishda oshifta va sargashta bo‘lishini bildiradi. Ba’zi ta’birchilarning aytishicha, safar qiladi, bu dunyo murodini topadi, lekin ishlari yomon bo‘ladi.
Agar yuvinib, junublikdan pok bo‘lganini va libosini kiyganini ko‘rsa, oqibatda qiyinchilikdan qutulishini, biroq ishlari basta bo‘lishini bildiradi. Agar to‘liq yuvinilmaganini ko‘rsa, ishi mukammal bo‘lmasligi, ya’ni oxiriga yetmasligini bildiradi.
Kirmoniy (r.a.) aytadiki, har kim o‘zini tushda junub bo‘lganini va yalang‘och ekanini ko‘rsa, o‘z ishida ojiz bo‘lishini bildiradi. Agar hammomda yuvinib chiqqanini va toza liboslar kiyganini ko‘rsa, Xudoga qaytib, tavba qilishini bildiradi.