ELAK (ORDBIZ) — Kirmoniyning aytishicha, elak o‘z do‘stlari va qarindoshlari orasida yuruvchi erkak kishiga dalildir.
Ibn Sirin (r.a.)ning aytishicha, tushdagi elak surbet ayol yoki xodimaga dalildir. Tushida katta va yangi elak olgan bo‘lsa yoki kimdir unga bergan bo‘lsa, yuqorida aytilgan sifatdagi ayolga yoki xodima unga xizmatkor yoki do‘st bo‘lishiga dalildir.
Ba’zi ta’birchilarning aytishicha, elak uning xizmatida bo‘luvchi va unga do‘st bo‘lib qoluvchi yaxshi kishiga dalolat qiladi.
Imomi Ja’far Sodiq aytadiki, tushdagi elak to‘rt narsani bildiradi: yaxshi odamni; shilqim ayolni; xodimni; arzimas foydani.