HALVO Ibn Sirin (r.a.) aytadiki, tushdagi halvo podshohning qo‘liga o‘tgan va haromga aylangan moldir.
Ja’far Sodiq (r.a.) aytadiki, tushdagi halvo ko‘p molni va holis dinni bildiradi. Bir luqma halvo farzandiga ato qilinadigan bitta bo‘sadir. Bir luqma lavzina, ya’ni bodom va yong‘oq mag‘zi qo‘shilgan halvo baxil odamdan yetadigan foydani bildiradi.
Jobir Mag‘ribiy (r.a.) aytadiki, tushida halvo qilayotganini ko‘rsa, o‘sha halvo miqdoriga muvofiq, halol mol va halol rizq topishiga dalildir. Agar halvosida za’faron borligini ko‘rsa, yaxshiroq bo‘ladi. Tushdagi halvofurush shirinsuxan odamdir.