YELIM (SAMG‘) Ibn Sirin (r.a.)ning aytishicha, samg‘ (yelim) daraxtdan chiqadigan ortiqcha moddadir. Agar tushida yelimi borligini yoki birov unga berganini ko‘rsa, uning mikdoricha birovning ortiqcha molidan yeyishiga dalildir. Agar yelimdan birovga berganini ko‘rsa, o‘zining ortiqcha molidan birovga berishiga dalildir.
Mag‘ribiy (r.a.)ning aytishicha, tushdagi yelim — daraxt tabiatiga mos bo‘lgan odamdan yetadigan ozgina moldir. Masalan, bodom yelimini yeganini ko‘rsa, baxil bir odamdan foyda topishiga dalildir. Agar o‘rik yelimini yeganini ko‘rsa, kasal odamdan foyda topishiga dalildir. Agar o‘zida mug‘ilon yelimi borligini ko‘rsa, sahroyi bir odamdan foyda topishiga dalildir.