DUMBA (DUNBA) Ibn Sirin (r.a.)ning aytishicha, tushdagi dumba birovning qo‘lidagi bir xalta mol yoki ayolning moli bo‘lib, dumbaning to‘liq yoki kamligiga qiyoslanadi.
Tushida xom dumba yeyayotganini ko‘rsa, shubhali mol yeyishiga dalildir. Pishgan dumba yeyayotganini tush ko‘rsa, dushman uning molidan yeyishini bildiradi.
Kirmoniy (r.a.) aytadiki, tushida qo‘y kabi dumbasi borligini ko‘rsa, oilasida farzand tug‘ilishiga dalil bo‘lib, bu farzandning davlati va iqboli soz bo‘ladi, keng rizqqa ega bo‘ladi.
Ja’far Sodiq (r.a.) aytadiki, tushdagi dumba bir hamyon oltin bo‘ladi.
Ba’zilarning aytishicha, o‘ng dumba o‘g‘il, chap dumba qizni bildiradi. Agar tushida dumbasining qattiq va mustahkam ekanini ko‘rsa, farzandining holi yaxshi ekaniga dalildir. Agar dumbani zaif va kichik ekanini ko‘rsa, yuqoridagi holning aksi bo‘ladi. Agar dumbasi shikast tortganini ko‘rsa, farzandi o‘lishiga dalildir.