Ibn Sirin: U haybatli va kuchli sultondir. Shuningdek, podshoh, soliq yig’uvchi, hokim, olimlar va aslzodalar kabi xalq ustidan hukmronlik qiluvchi kishilarga ishoradir. Ba’zan dengiz dunyo va uning daxshatlariga dalolat qiladi.

Dengiz mavji to’lib-toshgan bo’lsa, fitnaga dalolat qiladi. Dengiz balig’i dunyodagi kattayu kichikka beraxm bo’lgan hatokor odamlardir. Dengiz jonzotlari dunyoning raislari, raxbarlari va yaxshi yomon xalqlaridir. Dengiz to’lqinlari hayot belgisidir. Kim tushida o’zini dengizda ko’rsa, yoki unga dengiz ko’rinsa, tush ko’ruvchi kasal bo’lsa, kasali kuchayadi. Agar o’sha kasal odam tushida suvga cho’kib ketsa, o’ngida shu kasalligi orqasidan o’ladi. Agar tush ko’ruvchi kasal bo’lmasa, podshoh oldiga kiradi. Basharti bu yoz oylari yoki dengi tinch paytida bo’lsa. Dengizda suzish, qay darajada suzishiga qarab ilmdagi harakatdir. Olimlar bilan birga bo’lib, tijorat va molda kengchilikka eshishdir.

Dengizga g’arq bo’lib o’lsa, dini fasod bo’lib, o’ylagan maqsadiga erisha olmaydi. Qish yoki sovuq kunlari dengizda bo’lib, to’lqin paydo bo’lganda suzib yursa, sulton tomonidan unga bir balo yetadi. Mazkur balo qamoq, azob, suv to’planish kasali, yoki halok qiluvchi fitna bo’lishi mumkin. Agar shu payt cho’kib ketsa, o’ngida o’z turar joyida qatl qilinadi. Kim dengiz suvidan qancha ichsa, sultondan shuncha mol oladi. Yoki dunyodan shuncha kasb qiladi. Kim dengiz tubiga tushib, uning qa’ridagi loy yoki balchiqqa yetsa, ulug’ podsho tomonidan unga tashvish yetadi. Kim dengiz yoki anhorni boshqa tomonga bursa, havfu tashvishlarini burib, undan salomat bo’ladi. Kim dengiz kechib yurganini ko’rsa, podshohning hizmatiga kirishib, ko’p yaxshilikka yetishadi.