BURUN ShILLIG‘I (XULM) Xulm bu muxot bo‘lib, burundan keladigan shillig‘dir. Tushida burnidan shilliq kelayotgan bo‘lsa, qarzdan qutulishi va qayg‘u g‘amdan ozod bo‘lishiga dalildir.
Ibn Sirin (r.a.) aytadiki, tushdagi burun shillig‘i farzandga dalolat qiladi. Tushida burun shillig‘i libosiga tushganini ko‘rsa, farzand tug‘ilishiga dalildir. Agar burun shillig‘ining yerga oqib tushganini ko‘rsa, qiz tug‘ilishini bildiradi. Tushida burun shillig‘ini yerga tashlaganini ko‘rsa, xotini homilador bo‘lishiga, biroq bola tashlashiga dalildir. Tushida xotini burun shillig‘ini yeriga tashlaganini ko‘rsa, erining hamsoya xotin bilan buzuqlik qilishiga dalildir. Tushida burun shillig‘ini yeganini ko‘rsa, qamoqxona molini yeyishiga dalildir.