GUNAFSHA (BINAFSHA) Muhammad ibn Sirin (r.a.)ning aytishicha, tushida binafshani ko‘rsa va bu o‘z vaqtida bo‘lsa, biror ayoldan yoki kanizakdan o‘ziga biror narsa yetishiga yoxud farzand tug‘ilishiga dalildir. Agar uni o‘simligidan uzilgan holda ko‘rsa, ham g‘am va qayg‘u yetishiga dalildir. Agar ayol kishi binafshani uzsa va eriga bersa, eri uni taloq qilishiga dalil bo‘ladi. Agar birovning o‘ziga bir dasta binafsha berganini ko‘rsa, o‘sha odam bilan o‘rtalariga ayriliq tushishiga dalildir.
Jobir Mag‘ribiy (r.a.) aytadiki, tushdagi binafsha o‘simligi badfe’l va urishqoq kanizakni bildiradi.