Tushda paykar | Тушда пайкар

Без рубрики

PAYKAR Ibn Sirin (r.a.)ning aytishicha, tushdagi paykar ayol bo‘ladi. Agar o‘zida paykar borligini ko‘rsa, xotin olishiga dalildir. Agar paykarni pulga sotib olganini ko‘rsa, kanizak sotib olishini bildiradi. Agar paykarga ega bo‘lganini, so‘ng paykarni yo‘qotib qo‘yganini yoki qo‘lidan tushib ketib, singanini ko‘rsa, xotinini taloq qilishini yoki xotini dunyodan ko‘z yumushini bildiradi. Agar o‘z paykarining chehrasini boshqa qiyofada ko‘rsa, ahvoli o‘zgarishiga dalildir.
Kirmoniy (r.a.) aytadiki, agar o‘z haykalining ko‘rinishi xunuk bir holatga aylanganini ko‘rsa, ahvoli o‘zgaradi. Biroq yana o‘z asl shakliga qaytganini ko‘rsa, tavba qilishiga dalildir. Agar o‘zining haykalini zebu ziynatlangan holda ko‘rsa, barcha odamlar undan yuz o‘girishi va unga jabru jafo qilishlariga dalildir. Agar bir odam odamzodning haykalini hayvon haykali bilan almashtirayotganini ko‘rsa, o‘sha odamning mazhabi buzuq, o‘zi yolg‘onchi ekanini va Alloh ta’oloning sifatlari haqida biror yomon narsa aytishini bildiradi. Agar bir odamning haykali o‘z jinsidan bo‘lmagan biror narsaga aylanganini ko‘rsa, tush ko‘ruvchiga og‘ir bir ish yuklanishi, bu ishda xayronlikda qolishini bildiradi. Tushdagi surat yolg‘on gapiradigan odamni bildiradi.